Les habitaciones vacies

Texto de Ramón Lluis Bande Les habitaciones vacies (Ámbitu, Uviéu, 2009)

“Pa un lláu ta la ciudá. Dende equí vense les grúes d’un pasáu dignu y honrosu, les cais tán remozaes pero inda guarden les memories de les carreres de los trabayadores y les marques de neumáticu quemao. Dende equí vese’l mio barriu. Esi barriu onde a les dos salíemos de clas y coincidíemos colos vecinos que teníen los monos enllenos de grasa y llegaben famientos y alegres. El mio barriu yera un barriu a ritmu de sirenes que siempre tocaben los otros. Un barriu qu’agora nun soi a alcontrar. Un barriu que yá nun ta. Pal otru llau ta’l mar”.